Komuna e Haraçinës gjendet në verilindje të Shkupit, rreth 12 kilometra larg kryeqytetit të Republikës së Maqedonisë. Në përbërje të komuunës hyjnë katër vendbanime: Haraçina, Grushina, Orllanca dhe Majanca. Nëpër komunë kalon rruga rajonale, e cila lidh Shkupin me komunën e Kumanovës dhe Likovës
Në bazë të të dhënave nga regjistrimi i kryer në vitin 2002, territori i komunës së Haraçinës shtrihet në 24 km katrorë me 11992 banorë dhe 2582 shtëpi.
Struktura etnike e komunës është, si vijon: 90.72% shqiptarë, 8.23% maqedonas, 0.54% boshnjak, 0.11 serb, 0.01 vllehë dhe 0.39% bashkësi etnike të tjera.
Sipas strukturës së moshës, 10.63% janë të moshës 0-4 vjeçare, 11.69 % të moshës 5-9 vjeçare, 10.52% të moshës 10-14 vjeçare, 9.46% të moshës 15-19 vjeçare, 9.35% të moshës 20-24 vjeçare, 9.30 % të moshës 25-29 vjeçare, 8.45% të moshës 30-34 vjeçare, 6.87% të moshës 35-39 vjeçare, 5.02% të moshës 40-44 vjeçare, 4.63% të moshës 45-49 vjeçare, 3.69% të moshës 50-54 vjeçare,3.41% të moshës 55-59 vjeçare, 2.55% të moshës 60-64 vjeçare, 1.73% të moshës 65-69 vjeçare, 1.32% të moshës 70-74 vjeçare, 0.60% të moshës 75-79, 0.33% të moshës 80-84 vjeçare dhe 0.30% të mopshës mbi 84 vjeçare.
Nga të dhënat e lartëpërmendura mund të konstatohet se 32.84% të banorëve të komunës së Haraçinës janë të moshës prej 0-14 vjeçare, 62.73% të moshës 15-64, 4.28% të moshës mbi 64 vjeçare, gjegjësisht 53.08% të popullatës në moshë fertile.
Nëse bëhet krahasimi i të dhënave, me të dhënat e komunave të tjera, mund të konstatohet se komuna e Haraçinës ka popullatë më të re në Republikën e Maqedonisë.
Sipas numrit të banorëve, Këshilli komunal ka 15 këshilltarë të zgjedhur.
Në kuadër të komunës funksionon Shkolla fillore "Skënderbeu" me më tepër se 1000 nxënës.
)
